(Today’s Question: Was ist Dialektliteratur?)
Die Angerer Theresa
und die Pfurtscheller Maria
und die Oberamtsbacher Roswitha,
de schreibn üba die schian Bliamalen vorn Haus
und üban hartn Winta in die Berg und
üban heilign Herrgott und
üba ia oanzige Liab und
Tirol isch lei oans, so schreibn sie
in oana kindlichn Freid, dass da sHerz grad so
augian kannt.
Die Angerer Maria
und die Pfurtscheller Theresa
und die Oberamtsbacher Roswitha,
de dadenkns ebn leida nit viel weiter außi
als wia beim Kuchlfenschta,
wenns übahaup oans ham.
Die Angerer Roswitha
in deim Kopf
die Pfurtscheller Maria
in deim Kopf
die Oberamtsbacher Theresa
in deim Kopf:
so schreibn sie
so sein sie
lei
da