Isch eh lei
Es meischte
isch eh lei a Schmee
isch eh lei a Lug,
sein jå eh ålls lei Schmeetantla
eh ålls lei Lugntschippl.
Es oane
isch a Gschroa
unds åndre a Gsums.
Unds meischte
sowieso a Glump,
unds åndre a Graffl,
isch eh lei a Graffl! Isch eh lei a Glump!
Isch eh lei a Graffl und a seltenes Glump.
Und isch eh −
ålls lei a Schmee …
Wås håschn då im Aug?
Ah isch eh lei a Greggn.
Wås håschn då am Schuach?
Ah isch eh lei a Klachl.
Wås schwimmpn då in da Suppn?
Ah isch eh lei a Hoa.
Wås håschn då im Kopf?
Ah isch eh lei Stroa.
isch eh lei a Graffl
isch eh lei a Gsums
isch eh lei a Greggn
isch eh lei a Glump
isch eh lei a Klachl
isch eh lei a Gschroa
ah, isch eh lei Stroa.
Gott sei Dank, sei froa!
Ålls
koa
Stress.
Also schwitz koan Wettex und mach bitte koan Wirbl.
Loan di amål zrugg und reg di bitte nit au.
Loan di zrugg und vergiss nit aufs Schnaufn.
Loan di oanfach zrugg, zefix!
Es meischte isch eh
ålls lei zum wissen
unds mehrigschte isch lei zum toan −
oder ebn zum låssn.
Also låss guat sein
und steiga di nit ålm aso eini, um Gottsgrischtiwilln!
Es isch eh lei a Graffl
isch eh lei a Gsums
isch eh lei a Greggn
isch eh lei a Glump
isch eh lei a Klachl
isch eh lei
a Hoa!
Sei decht froa, harschafzaitn!
Mia sein jå a lei a Hoa in irgndoana Suppn
mia sein jå a lei a Greggn in irgendam Aug
mia sein jå a lei a Blinddarm in irgendam Bauch
mia sein jå a lei a Strichpunkt in irgendam Buach
mia sein jå a lei a Klachl auf irgendam Schuach
I bin jå a lei
in irgendam Kopf es Stroa
in irgendam Kopf
es Gsums und Gschroa −
seima decht froa:
Ålls
nit da Rede wert.